Kind Revolution
Gedicht im Wiener Dialekt
und ois leucht´ um mi
und ois regt si und zuckt
und es raschelt im Laub
und es regnt´ wia varruckt
und i, i steh´ im Regen
und i streck´ meine Händ´ in´ Wind
und i schrei und drah mi
und i bin wieda Kind
wiener dialekt
Es Finstare – 15.03.2020
Gedicht und möglicher Songtext im Wiener Dialekt
Wo es Verständnis blüat
und wo ana zu dia ghört
durt wo ma di Hoffnung find
wari gern
doch es Finstara verschlingt mi volla Lust
durt wo i grad bin
durt wo ma si abschind
und nua oi des Schworze siecht
is mei Herz und vastummt
und es Finstara verschlingt mi volla Lust
Doch stott resignieren schöpf i neiche Kroft draus
und stott wanan loch i laut auf
weu im Dunkeln lossts si gor so guad schlofn
und i woch erst wonn die Sun in mir scheint wieda auf
und i tram von Blumen
vo Wiesen und in Sunnanschein
und i loss mi drin sunnan
bis i wia a Samen keim
bis i di Sun ablick
werd i geduldig sei
bis i anfong zum Blüan
werd i di Hoffnung sei
und es Finstare vaschlingen volla Lust